અમેરિકા અને ઈરાન વચ્ચે ચાલી રહેલા હુમલાઓથી પશ્ચિમ એશિયામાં ફરી એકવાર તણાવ વધ્યો છે. વધતા ભૂરાજકીય તણાવ વચ્ચે ક્રૂડ ઓઈલના ભાવમાં વધારો થયો છે. જેના કારણે સોના પર દબાણ આવ્યું છે. આજે સતત ત્રીજા દિવસે તેની ચમકમાં ઘટાડો થયો છે. 

રાજધાની દિલ્હીમાં એક દિવસની સ્થિરતા બાદ સતત ત્રીજા દિવસે સોનાના ભાવમાં ઘટાડો થયો છે. છેલ્લા ત્રણ દિવસમાં 24 કેરેટના 10 ગ્રામ સોનાના ભાવમાં આશરે ₹1,540નો ઘટાડો થયો છે. જ્યારે 22 કેરેટના 10 ગ્રામ સોનાના ભાવમાં આશરે ₹1,410નો ઘટાડો જોવા મળ્યો છે.

આજની (15 જુલાઈ 2026) વાત કરીએ તો દિલ્હીમાં 24 કેરેટ અને 22 કેરેટના 10 ગ્રામ સોનાના ભાવમાં ₹10નો ઘટાડો થયો છે.

અમદાવાદમાં આજે 24 કેરેટ 10 ગ્રામ સોનાનો ભાવ આશરે ₹1,42,840 છે. 22 કેરેટ 10 ગ્રામ સોનાનો ભાવ આશરે ₹1,30,940 છે. જ્યારે 18 કેરેટ 10 ગ્રામ સોનાનો ભાવ આશરે ₹1,07,140 છે.

સતત ત્રણ દિવસ સ્થિરતા બાદ આજે ચાંદીના ભાવમાં ઘટાડો થયો છે. આજની તારીખે, દિલ્હી અને અમદાવાદમાં એક કિલો ચાંદી ₹100 ઘટીને ₹2,34,900માં વેચાઈ રહી છે. 

Image Gallery