ફોરેન કોન્ટ્રીબ્યુશન રેગ્યુલેશન એક્ટ (FCRA) સંબંધિત નવા પ્રસ્તાવિત બિલ અંગે સંસદમાં રાજકીય અને વહીવટી ગતિવિધિઓ તીવ્ર બની છે. બિલ રજૂ થાય તે પહેલાં, કેન્દ્રીય ગૃહમંત્રી અમિત શાહ વિવિધ હિતધારકોના બે મુખ્ય પ્રતિનિધિમંડળો સાથે મળ્યા. આ બેઠક દરમિયાન, તેમણે તેમની ચિંતાઓ અને સૂચનાઓ સાંભળી અને બિલને લાગતી ગેરસમજો દૂર કરવાનો પ્રયાસ કર્યો.

સૌપ્રથમ મિઝોરમના મુખ્યમંત્રી લાલદુહોમા ખ્રિસ્તી સમાજના વરિષ્ઠ પ્રતિનિધિઓ સાથે ગૃહમંત્રી અમિત શાહને મળ્યા. આ પ્રતિનિધિમંડળમાં ‘મિઝોરમ કોહરાન હ્માનાવતુતે કમિટી’ (MKHC)ના અધ્યક્ષ રેવ. જોન રાલદોસાંગા અને ‘કાઉન્સિલ ઑફ ચર્ચેસ ઇન મિઝોરમ’ (CCM)ના મહાસચિવ રેવ લાલ્હમંગાઇહા સામેલ હતા.

કડક જોગવાઈઓમાં ફેરફારની માંગ

પ્રતિનિધિમંડળે પ્રસ્તાવિત બિલની કેટલીક કડક જોગવાઈઓમાં ફેરફારની માંગ કરી હતી. બેઠક બાદ, મુખ્યમંત્રી લાલદુહોમાએ જણાવ્યું હતું કે આ બિલ 12 ઓગસ્ટના રોજ સંસદમાં રજૂ થવાની સંભાવના છે. તેમણે એ પણ સ્પષ્ટતા કરી હતી કે ગૃહમંત્રી અમિત શાહે ખાતરી આપી છે કે નવો કાયદો પાછલી અસરથી લાગુ કરવામાં આવશે નહીં.

ખ્રિસ્તી સમુદાયનું પ્રતિનિધિમંડળ અમિત શાહને મળ્યું

મુખ્યમંત્રીના અનુસંધાનમાં, ખ્રિસ્તી સમુદાયના 10 બિશપ અને પાદરીઓનું એક ખાસ પ્રતિનિધિમંડળ અમિત શાહને મળ્યું હતું. કેન્દ્રીય ગૃહ સચિવ ગોવિંદ મોહન પણ હાજર રહ્યા હતા. સૂત્રો અનુસાર, ગૃહમંત્રીએ પ્રતિનિધિઓના વાંધાઓ અને સૂચનાઓની વિગતવાર નોંધ લીધી હતી. તેમણે ખાતરી આપી હતી કે આ મુદ્દાઓ અને ચિંતાઓ પર સરકારના અન્ય સંબંધિત સભ્યો સાથે ગંભીરતાથી ચર્ચા કરવામાં આવશે.

બિઝનેસ એડવાઇઝરી કમિટીની પ્રક્રિયા

મીટિંગ પછી, ટોચના સરકારી સૂત્રોએ સ્પષ્ટતા કરી હતી કે બિલ ક્યારે ચર્ચા અને પસાર કરવા માટે સૂચિબદ્ધ કરવામાં આવશે તે અંગેનો નિર્ણય લોકસભાના અધ્યક્ષ અને બિઝનેસ એડવાઇઝરી કમિટી (BAC) દ્વારા લેવામાં આવે છે. ફક્ત સરકારી સ્તરે નહીં.

સરકાર બધા પ્રશ્નોના જવાબ આપવા છે તૈયાર સરકારે જણાવ્યું હતું કે તે બધા પ્રશ્નોના જવાબ આપવા માટે સંપૂર્ણપણે તૈયાર છે. ગૃહમંત્રી અમિત શાહ ચર્ચા દરમિયાન ગૃહમાં વિગતવાર જવાબ આપશે. સરકારી સૂત્રોએ જણાવ્યું છે કે, 2010ના કાયદા મુજબ પ્રસ્તાવિત કાયદો મોટાભાગે 2010માં તત્કાલીન યુપીએ સરકાર દ્વારા રજૂ કરાયેલા FCRA સુધારાના મૂળભૂત માળખા પર આધારિત છે.

એક સમુદાયને નિશાન બનાવવાનો આરોપ નિરાધાર

સરકારે આંકડાઓનો ઉલ્લેખ કરતાં જણાવ્યું કે દેશમાં આવતાં કુલ વિદેશી ચંદામાંથી અંદાજે 30 ટકા હિસ્સો ખ્રિસ્તી સંસ્થાઓને મળે છે. તેથી કોઈ એક સમુદાયને નિશાન બનાવવામાં આવી રહ્યો હોવાનો આરોપ નિરાધાર છે. સરકારના જણાવ્યા મુજબ, હાલ વિધેયકના મૂળ ડ્રાફ્ટમાં કોઈ નવો સુધારો પ્રસ્તાવિત નથી અને તેને ટૂંક સમયમાં ચર્ચા તથા મંજૂરી માટે સંસદમાં રજૂ કરવામાં આવશે.

Image Gallery