ફાયર વિભાગના અધિકારીઓના જણાવ્યા અનુસાર, સવારે 9.55 વાગ્યે આ ઘટના અંગે ચેતવણી મળી હતી. બેંગલુરુના પશ્ચિમ વિસ્તારમાં આવેલા નાગદેવનહલ્લીમાં ચિત્રકૂટ સ્કૂલમાં આગ લાગી હતી. દુર્ઘટનાનો કોલ મળતાં જ અધિકારીઓએ તાત્કાલિક ત્રણ ફાયર ટેન્ડર ઘટનાસ્થળે મોકલ્યા હતા.

ફાયર ટીમે આગ પર મેળવ્યો કાબૂ

અધિકારીઓએ જણાવ્યું કે ફાયર વિભાગની ઝડપી કામગીરીને કારણે મોટું નુકસાન ટાળી શકાયું. આગને અસરગ્રસ્ત વિસ્તારમાં જ સીમિત રાખવામાં સફળતા મળી હતી. ફાયર કર્મચારીઓએ આગને નજીકના વર્ગમાં અને અન્ય ભાગોમાં ફેલાતી અટકાવવા માટે સતત પ્રયાસ કર્યા. અધિકારીઓએ આ વાતની પુષ્ટિ કરી છે કે રહેવાસીઓ અથવા કર્મચારીઓને કોઈ ઈજા થયા વિના પરિસ્થિતિને કાબુમાં લેવામાં આવી હતી.

ફાયર વિભાગે ઘટનાના ચોક્કસ કારણની તપાસ શરૂ કરી છે. નિષ્ણાતો ઇલેક્ટ્રિકલ સિસ્ટમ અને અસરગ્રસ્ત વિસ્તારોની તપાસ કરીને આગ કેવી રીતે લાગી તેની માહિતી એકત્ર કરશે. આ સાથે જ સ્કુલમાં અમલમાં રહેલી ફાયર સેફ્ટી વ્યવસ્થાઓની પણ સમીક્ષા કરવામાં આવશે.

Image Gallery