આફ્રિકાના કોંગોથી વડોદરા આવેલ એક વ્યક્તિમાં ઈબોલાના લક્ષણ દેખાતા ગુજરાતનું આરોગ્ય વિભાગ એલર્ટ મોડમાં આવી ગયું છે. આફ્રિકાના કોંગોથી મુંબઈ અને ત્યાંથી વડોદરા આવેલા 3 માંથી એકે તાવની ફરિયાદ કરી હતી. જે બાદ મંગળવાળે રાત્રે તેમને વડોદરાની બેંકર્સ હોસ્પિટલ લઈ જવાયા હતા. 37 વર્ષીય વ્યક્તિમાં શરદી-ખાંસીના તીવ્ર લક્ષણો હતા. અને તે કોંગોથી આવ્યાનું સામે આવતા બુધવારે સવારે હોસ્પિટલે આરોગ્ય વિભાગને જાણ કરી હતી. જે બાદ તેમને અમદાવાદ સિવિલ હોસ્પિટલ ખસેડાયા.

ઈબોલાના પ્રથમ શંકાસ્પદ કેસ

યુવકના બે મિત્રો તેમજ તેમના સંપર્કમાં આવેલ તબીબને હાલ ક્વોરન્ટાઈન કરાયા છે. તો આફ્રિકાના દેશોનો પ્રવાસ કરીને આવનાર કુલ 11 લોકોને આઈસોલેશનમાં રખાયા છે. દર્દીને ઈબોલા જ થયો છે કે કેમ તેની પુષ્ટિ થઈ નથી. સેમ્પલ તપાસ માટે પુણે મોકલાયા છે. જો કે દર્દી 5 દિવસ વડોદરાની હોટલમાં રોકાયો હતો. ત્યારે તે કોના સંપર્કમાં આવ્યો હતો. અને ક્યાં-ક્યાં ગયો હતો. તે અંગે તપાસ હાથ ધરાઈ છે. તો હાલ અમદાવાદ આંતરરાષ્ટ્રીય એરપોર્ટ પણ વોચ વધારી દેવાઈ છે. આફ્રિકાના દેશોથી આવનારા પ્રવાસીઓનું સઘન ચેકિંગ કરાયું રહ્યું છે.

Image Gallery