ક્રિકેટર એમ.એસ. ધોનીને મોટો ફટકો પડ્યો છે. મદ્રાસ હાઈકોર્ટે ધોનીને જણાવ્યું છે કે, એક સીડી (CD) માં રહેલા પુરાવાઓને ટ્રાન્સક્રાઇબ (લખાણમાં ફેરવવા) કરવાનો ખર્ચ તેમણે પોતે ભોગવવો પડશે, જે ખર્ચ આશરે 10 લાખ રૂપિયા છે.

વર્ષ 2013 ના IPL બેટિંગ કૌભાંડ પર એક પ્રાઇવેટ ટેલિવિઝન ડિબેટ દરમિયાન નિવૃત્ત IPS જી. સંપત કુમારે આરોપ લગાવ્યો હતો કે, CSK પ્લેયર મહેન્દ્ર સિંહ ધોની પણ આ મામલામાં સંડોવાયેલો હતો. આ મુદ્દે ધોનીએ નિવૃત્ત અધિકારી સામે 100 કરોડ રૂપિયાનો માનહાનિનો દાવો દાખલ કર્યો છે.

આદેશમાં જસ્ટિસે શું જણાવ્યું?

જસ્ટિસ આર.એન. મંજુલાએ ધોની દ્વારા દાખલ કરવામાં આવેલા એક કેસ પર 11 ફેબ્રુઆરીએ વચગાળાનો આદેશ પસાર કરતા આ નિર્દેશ આપ્યો હતો. પોતાના આદેશમાં જસ્ટિસે જણાવ્યું હતું કે, 28 ઓક્ટોબર, 2025 ના આદેશ અનુસાર, આ કોર્ટના દુભાષિયા (interpreter) એ આ કેસ સંબંધિત સીડી (CD) ની સામગ્રી લખવા અને તેનો અનુવાદ કરવાનું કાર્ય સંભાળ્યું છે. જો કે, આ આદેશ જરૂરી ફીની ચુકવણીની શરતે પસાર કરવામાં આવ્યો છે.