સેન્સેક્સ 400 પોઈન્ટ ઘટીને 82,150 પર આવ્યો:નિફ્ટીમાં 150 પોઈન્ટનો ઘટાડો; મેટલ અને આઈટી શેરોમાં વેચવાલી
બજેટના બે દિવસ પહેલા આજે 30 જાન્યુઆરીએ શેરબજારમાં ઘટાડો જોવા મળ્યો છે. સેન્સેક્સ 400 પોઈન્ટના ઘટાડા સાથે 82,150 પર કારોબાર કરી રહ્યો છે. નિફ્ટીમાં પણ 150 પોઈન્ટનો ઘટાડો છે. તે 25,270 પર આવી ગયો છે. મેટલ અને આઈટી શેરોમાં વેચવાલી છે. જ્યારે FMCG શેરોમાં ખરીદી જોવા મળી રહી છે.
એશિયન બજારોમાં તેજી, અમેરિકી બજારમાં મિશ્ર વલણ
- જાપાનનો નિક્કી 0.25% અને દક્ષિણ કોરિયાનો કોસ્પી 1.23% ઉપર ટ્રેડ કરી રહ્યા છે.
- 29 જાન્યુઆરીએ અમેરિકાનો ડાઉ જોન્સ 0.11% વધ્યો, જ્યારે નાસ્ડેક 0.72% ઘટીને બંધ થયો.
વિદેશી રોકાણકારોએ 393 કરોડના શેર ખરીદ્યા
- વિદેશી રોકાણકારો (FII) એ 29 જાન્યુઆરીના રોજ ₹394 કરોડના શેર ખરીદ્યા. જ્યારે, સ્થાનિક સંસ્થાકીય રોકાણકારો (DII) એ ₹2,638 કરોડની ખરીદી કરી.
- ડિસેમ્બર 2025માં FIIs એ કુલ ₹34,350 કરોડના શેર વેચ્યા હતા. આ સમયગાળા દરમિયાન બજારને સંભાળી રહેલા DIIs એ ₹79,620 કરોડના શેર ખરીદ્યા હતા.
ગુરુવારે સેન્સેક્સ 221 પોઈન્ટ વધીને 82,566 પર બંધ થયો હતો
શેરબજારમાં 29 જાન્યુઆરીએ તેજી જોવા મળી. સેન્સેક્સ 221 પોઈન્ટના ઉછાળા સાથે 82,566 ના સ્તરે બંધ થયો છે. નિફ્ટીમાં પણ લગભગ 73 પોઈન્ટનો ઉછાળો રહ્યો, તે 25,416 ના સ્તરે બંધ થયો છે. આજના કારોબારમાં ઓટો, ફાર્મા અને IT શેરોમાં ઘટાડો જોવા મળ્યો.
