સોનાના ભાવ આજે એટલે કે 23 જાન્યુઆરીએ ઓલ ટાઈમ હાઈ પર પહોંચી ગયા છે. ઈન્ડિયા બુલિયન એન્ડ જ્વેલર્સ એસોસિએશન (IBJA) અનુસાર, સોનું 4,300 રૂપિયા વધીને 10 ગ્રામ દીઠ 1,55,428 રૂપિયા પર પહોંચી ગયું છે. આ પહેલા તે 1,51,128 રૂપિયા પર હતું.

જ્યારે, 1 કિલો ચાંદી 19,249 રૂપિયા વધીને 3,18,960 રૂપિયા પર પહોંચી ગઈ છે. આ પહેલા ગુરુવારે તે 2,99,711 રૂપિયા પર હતી. આ વર્ષે માત્ર 23 દિવસમાં સોનું 22,233 રૂપિયા અને ચાંદી 88,540 રૂપિયા મોંઘી થઈ ચૂકી છે.

સોનામાં તેજીના 3 મોટા કારણો

1. વૈશ્વિક તણાવ અને 'ગ્રીનલેન્ડ' વિવાદ: અમેરિકી રાષ્ટ્રપતિ ડોનાલ્ડ ટ્રમ્પની ગ્રીનલેન્ડ પર કબજો કરવાની જીદ અને આ મુદ્દે યુરોપિયન દેશોને ટેરિફની ધમકીએ વૈશ્વિક બજારોમાં અસ્થિરતા વધારી દીધી છે. જ્યારે પણ દુનિયામાં ટ્રેડ વોરનો ખતરો વધે છે, રોકાણકારો શેરબજારમાંથી પૈસા કાઢીને સુરક્ષિત રોકાણ એટલે કે સોના તરફ ભાગે છે.

2. રૂપિયાની રેકોર્ડ નબળાઈ : ભારતમાં સોનાની કિંમત ફક્ત વૈશ્વિક દરો પર જ નહીં, પરંતુ ડોલર-રૂપિયાના એક્સચેન્જ રેટ પર પણ નિર્ભર કરે છે. આજે રૂપિયો ડોલર સામે ₹91.10 ના ઓલ-ટાઇમ લો પર છે. LKP સિક્યોરિટીઝના જતિન ત્રિવેદી અનુસાર, રૂપિયાની નબળાઈને કારણે આંતરરાષ્ટ્રીય સ્તરે ખરીદવામાં આવતા સોનાની લેન્ડિંગ કોસ્ટ ભારતમાં ખૂબ મોંઘી થઈ ગઈ છે, જેના કારણે સ્થાનિક બજારમાં કિંમતો ₹1.5 લાખને પાર નીકળી ગઈ છે.

3. સેન્ટ્રલ બેંકોની ભારે ખરીદી: દુનિયાભરની કેન્દ્રીય બેંકો (જેમ કે ભારતની RBI) તેમના વિદેશી મુદ્રા ભંડારને સુરક્ષિત રાખવા માટે સોનાનો સ્ટોક વધારી રહી છે. વર્લ્ડ ગોલ્ડ કાઉન્સિલના આંકડા અનુસાર, 2025માં રેકોર્ડ ખરીદી પછી 2026ની શરૂઆતમાં પણ સેન્ટ્રલ બેંકોની માંગ મજબૂત બની રહી છે, જેના કારણે સપ્લાય ઓછો અને ડિમાન્ડ વધુ હોવાથી કિંમતો વધી રહી છે.

₹1.90 લાખ સુધી જઈ શકે છે સોનું રિસર્ચ હેડ ડો. રેનિશા ચૈનાની અનુસાર, જો અમેરિકી ટેરિફ અને મધ્ય પૂર્વમાં તણાવ વધુ વધે છે, તો સોનું 2026માં 1,90,000 રૂપિયા પ્રતિ 10 ગ્રામ સુધી જઈ શકે છે. જ્યારે ચાંદી 4 લાખ રૂપિયા સુધી જઈ શકે છે.

2025માં સોનું 75% અને ચાંદી 167% મોંઘી થઈ

ચાંદીમાં તેજીના 3 મુખ્ય કારણો જાણો