અમદાવાદ : જાન્યુઆરીમાં મ્યુચ્યુઅલ ફંડ રોકાણકારોની સંખ્યા ૧૮ મહિનાની ટોચે પહોંચી ગઈ હતી. સોના અને ચાંદીના ભાવમાં સતત વધારો થતાં રોકાણકારોને કિંમતી ધાતુઓના એક્સચેન્જ-ટ્રેડેડ ફંડ્સ (ETFs) અને ફંડ ઓફ ફંડ્સ તરફ આકર્ષ્યા હતા. જેના કારણે મ્યુચ્યુઅલ ફંડ રોકાણકારોની સંખ્યા નવી સપાટી પર પહોંચી ગઈ હતી.

ગયા મહિને એટલે કે જાન્યુઆરીમાં ફંડ ઉદ્યોગમાં ૧૨ લાખ નવા રોકાણકારો જોડાયા હતાં, જેનાથી રોકાણકારોની કુલ સંખ્યા ૬.૦૨ કરોડ થઈ ગઈ છે. જાન્યુઆરીમાં આ વધારો ૨૦૨૫ માં સરેરાશ માસિક ૫૦૦,૦૦૦ ના વધારા કરતા બમણાથી વધુ હતો. મ્યુચ્યુઅલ ફંડના સુત્રોના મતે, આ વલણ સૂચવે છે કે કિંમતી ધાતુઓમાં મ્યુચ્યુઅલ ફંડ રોકાણ ઓફરિંગ, ખાસ કરીને સોનાની યોજનાઓ, લાંબા ગાળે ઉદ્યોગ માટે મુખ્ય રોકાણકાર આકર્ષણ બની શકે છે.