અમેરિકાના રાષ્ટ્રપતિ ડોનાલ્ડ ટ્રમ્પે રાષ્ટ્રને કરેલા સંબોધનમાં જણાવ્યું હતું કે અમે હોર્મુઝ સ્ટ્રેટ જઈશું અને તેની સુરક્ષા કરીશું. જ્યારે યુદ્ધ સમાપ્ત થશે ત્યારે તે ખાલી થઈ જશે. આગામી બે થી ત્રણ અઠવાડિયામાં અમે કડક વલણ અપનાવીશું. અમે તેમની સાથે કોઈ સોદો કરવાના નથી." રાષ્ટ્રપતિ ડોનાલ્ડ ટ્રમ્પે ઈરાન યુદ્ધ પરના તેમના રાષ્ટ્રીય સંબોધનમાં જણાવ્યું હતું કે અમેરિકા તેના તમામ મુખ્ય લશ્કરી ઉદ્દેશ્યો પ્રાપ્ત કરવાની નજીક છે અને અભિયાન ટૂંક સમયમાં સમાપ્ત થશે. તેમણે કહ્યું હતું કે, "અમે કામ પૂર્ણ કરીશું અને અમે તે ખૂબ જ ઝડપથી કરીશું." ટ્રમ્પે દાવો કર્યો હતો કે ઈરાનને ક્યારેય પરમાણુ શસ્ત્રો મેળવવાની મંજૂરી આપવામાં આવશે નહીં. તેમણે કોઈપણ સંજોગોમાં તેના ગલ્ફ સાથીઓનું રક્ષણ કરવાનું પણ વચન આપ્યું હતું. ટ્રમ્પના મતે, અમેરિકાનો ધ્યેય ઈરાનની મિસાઈલ ક્ષમતાનો નાશ કરવાનો, તેની ઉત્પાદન પ્રણાલીને વિક્ષેપિત કરવાનો, તેના નૌકાદળ અને સુરક્ષા માળખાને લક્ષ્ય બનાવવાનો અને તેને પરમાણુ શસ્ત્રો વિકસાવવાથી રોકવાનો છે.

પોતાના સંબોધનમાં અમેરિકાના રાષ્ટ્રપતિ ટ્રમ્પે જણાવ્યું હતું કે અમેરિકાની ઊર્જાની જરૂરિયાતો હવે મધ્ય પૂર્વ પર નિર્ભર નથી. તેમણે વેનેઝુએલામાં અમેરિકાની લશ્કરી કાર્યવાહીને અત્યંત ઝડપી, ઘાતક અને અસરકારક ગણાવી હતી અને અમે મિનિટોમાં નિયંત્રણ પ્રાપ્ત કરી લીધું. ટ્રમ્પના મતે, આ કાર્યવાહીથી વિશ્વભરમાં અમેરિકન તાકાતનો સંદેશ મળ્યો. તેમણે એમ પણ કહ્યું કે અમેરિકા હવે વેનેઝુએલાના વિશાળ તેલ અને ગેસ ભંડારને વિકસાવવા અને વેચવા પર કામ કરી રહ્યું છે. વધુમાં અમેરિકા તેના સાથી દેશોનું રક્ષણ કરવા માટે મધ્ય પૂર્વમાં તેની હાજરી જાળવી રાખશે.

અમેરિકાના રાષ્ટ્રપતિ ડોનાલ્ડ ટ્રમ્પે જણાવ્યું હતું કે ઈરાનને પરમાણુ બોમ્બ વિકસાવવાથી અટકાવવામાં આવ્યું છે. તેમણે કહ્યું હતું કે, "અમે હંમેશા પરમાણુ શસ્ત્રોની વિરુદ્ધ રહ્યા છીએ. અમે ઈરાનમાં અમારું મિશન પૂર્ણ કર્યું છે."

તેમના સંબોધનમાં રાષ્ટ્રપતિ ટ્રમ્પે દાવો કર્યો હતો કે અમેરિકાના સૈન્યએ ઈરાનમાં ઝડપી અને નિર્ણાયક વિજય મેળવ્યો છે. તેમણે કહ્યું હતું કે યુદ્ધના મુખ્ય લશ્કરી ઉદ્દેશ્યો લગભગ પૂર્ણ થઈ ગયા છે અને કામગીરી તેના અંતિમ તબક્કામાં છે. જોકે, જમીન પર પરિસ્થિતિ જટિલ રહે છે.

- ટ્રમ્પે જણાવ્યું હતું કે ઈરાનમાં શાસન પરિવર્તન થયું છે. તેમણે કહ્યું હતું કે ઈરાને યુદ્ધવિરામની માંગણી કરી છે.

• તેમના સંબોધનમાં ટ્રમ્પે દાવો કર્યો કે ઈરાનની નૌકાદળ સંપૂર્ણપણે નાશ પામી છે, તેની વાયુસેના બરબાદ થઈ ગઈ છે અને ઇસ્લામિક રિવોલ્યુશનરી ગાર્ડ કોર્પ્સનું નેતૃત્વ વર્ચ્યુઅલ રીતે ખતમ થઈ ગયું છે. તેમણે કહ્યું હતું કે અમેરિકા તેના લશ્કરી ઉદ્દેશ્યો લગભગ પ્રાપ્ત કરી લીધા છે અને કામગીરી હવે તેના અંતિમ તબક્કામાં છે.
• રાષ્ટ્રપતિ ટ્રમ્પે જણાવ્યું કે અમેરિકી સૈન્યએ ઈરાનમાં ઝડપી અને નિર્ણાયક વિજય મેળવ્યો છે.

અમેરિકી રાષ્ટ્રપતિ ટ્રમ્પે જણાવ્યું કે ઈરાનને પરમાણુ શક્તિ બનવા દેવામાં આવશે નહીં. તેમણે કહ્યું કે ઈરાનના બધા નેતાઓ માર્યા ગયા છે.

- અમેરિકી રાષ્ટ્રપતિ ટ્રમ્પે જણાવ્યું કે ઈરાની નૌકાદળ અમારા નિયંત્રણમાં છે.

- અમેરિકી રાષ્ટ્રપતિ ટ્રમ્પે જણાવ્યું કે ઈરાનની સેનાનો નાશ કરવામાં આવ્યો છે. તેની મિસાઈલ લોન્ચ ક્ષમતા ખતમ કરવામાં આવી છે.

Image Gallery