દિલ્હી હાઈકોર્ટે સોમવારે દેશભરના લાખો LLB વિદ્યાર્થીઓને નોંધપાત્ર રાહત આપી છે. દેશભરના LLB વિદ્યાર્થીઓને હવે ઓછી હાજરીને કારણે સેમેસ્ટર પરીક્ષા આપવાથી રોકવામાં આવશે નહીં. દિલ્હી હાઈકોર્ટે કાનૂની શિક્ષણના સંચાલન માટે વિગતવાર માર્ગદર્શિકા જાહેર કરી હતી.

ન્યાયાધીશ પ્રતિભા એમ. સિંહ અને ન્યાયાધીશ અમિત શર્માની ડિવિઝન બેન્ચે આ સંદર્ભમાં આદેશ જાહેર કર્યો હતો. આદેશમાં કહેવામાં આવ્યું હતું કે કોઈપણ વિદ્યાર્થીને સેમેસ્ટર પરીક્ષા આપવાથી રોકી શકાય નહીં અને ફરજિયાત હાજરીના અભાવે આગામી સેમેસ્ટરમાં તેમની પ્રગતિમાં અવરોધ ન લાવી શકાય.

કોલેજો BCI થી અલગ નિયમો બનાવી શકતી નથી

જસ્ટિસ પ્રતિભા એમ. સિંહ અને જસ્ટિસ અમિત શર્માની ડિવિઝન બેન્ચે એક આદેશ જાહેર કર્યો હતો. જેમાં કહેવામાં આવ્યું હતું કે લો કોલેજોએ કાઉન્સિલ ઓફ ઈન્ડિયા (BCI) થી અલગ હાજરી નિયમો નક્કી કરવા જોઈએ નહીં.

બેન્ચે નિર્દેશ આપ્યો હતો કે, વિદ્યાર્થીઓ અને તેમના વાલીઓને વિદ્યાર્થીઓની હાજરીની માહિતી પૂરી પાડવામાં આવે અને ઓછી હાજરી ધરાવતા વિદ્યાર્થીઓ માટે વધારાના ભૌતિક અથવા ઓનલાઈન વર્ગો યોજવામાં આવે.

ફરિયાદ નિવારણ પંચની રચના ફરજિયાત રહેશે

ન્યાયાધીશ પ્રતિભા એમ. સિંહ અને અમિત શર્માની ડિવિઝન બેન્ચે જણાવ્યું હતું કે, દેશની તમામ લો કોલેજો, શૈક્ષણિક સંસ્થાઓ અને યુનિવર્સિટીઓએ ફરજિયાતપણે ફરિયાદ નિવારણ પંચ (GRC) ની સ્થાપના કરવી જોઈએ. બેન્ચે જણાવ્યું હતું કે યુનિવર્સિટી ગ્રાન્ટ્સ કમિશન (UGC) એ તેના નિયમોમાં સુધારો કરવો જોઈએ. જેથી GRC ના 51% સભ્યો વિદ્યાર્થીઓ હોય. કોર્ટે વધુમાં જણાવ્યું હતું કે પૂર્ણ-સમયના વિદ્યાર્થીઓનું પ્રતિનિધિત્વ હોવું જોઈએ.

કોલેજ જોડાણની શરતોમાં સુધારો કરવામાં આવશે

બેન્ચે BCI ને વિદ્યાર્થીઓને મદદ કરવા માટે ઉપલબ્ધ કાઉન્સેલર અને મનોચિકિત્સકોની સંખ્યાનો સમાવેશ કરવા માટે કોલેજ જોડાણની શરતોમાં સુધારો કરવાનો નિર્દેશ આપ્યો. બેન્ચે ભાર મૂક્યો કે BCI ત્રણ વર્ષના અને પાંચ વર્ષના કાયદા અભ્યાસક્રમોમાં ફરજિયાત હાજરીનું પુનર્મૂલ્યાંકન કરશે. આમાં મૂટ કોર્ટ અને ગ્રાન્ટ ક્રેડિટનો સમાવેશ થશે.

બેન્ચે BCI ને નિર્દેશ આપ્યો કે વિદ્યાર્થીઓ, ખાસ કરીને વંચિત બેક ગ્રાઉન્ડના લોકો માટે ઇન્ટર્નશિપ માહિતી ઉપલબ્ધ કરાવવા માટે પગલાં લેવામાં આવે. જેમાં સિનિયર વકીલો, કાયદાકીય પેઢીઓ અને ઇન્ટર્ન શોધતી અન્ય સંસ્થાઓના નામ પ્રકાશિત કરવામાં આવે છે.