સાઉથ એશિયન સમુદાયના નેતા અને નાસાઉ કાઉન્ટીના પૂર્વ ડેપ્યુટી કંટ્રોલર દિલીપ ચૌહાણે, જેઓ ઝોહરાન મમદાનીના સૌથી પહેલાંના સમર્થકોમાંના એક છે, તેમણે મમદાનીને અભિનંદન પાઠવ્યા હતા. તેઓ જણાવ્યું,

"અભિનંદન! ઝોહરાન મમદાની. હું ખૂબ ખુશ છું કે ઝોહરાન મમદાની, એક સાથી સાઉથ એશિયન અમેરિકન જે જાહેર સેવામાં સમર્પિત છે, પોતાના વિશ્વાસ અને લક્ષ્યો પર અડગ રહ્યા. ન્યૂયોર્કને વધુ સારું બનાવવાનું તેમનું વિઝન સ્પષ્ટ છે, અને આજની જીત લોકોના તેમના પરના વિશ્વાસનું પ્રતિબિંબ છે. તે એક ઉજ્જવળ ભવિષ્યની આશા જગાવે છે અને દરેક પ્રવાસી માટે રોલ મોડલ છે. તેમને આપણા સમુદાયોની સેવા અને ઉત્થાન ચાલુ રાખવા શુભેચ્છાઓ!"

ભારતીય મૂળ ઝોહરાન મમદાની ન્યૂયોર્કની મેયરની ચૂંટણી જીતી

ભારતીય મૂળના ડેમોક્રેટિક પાર્ટીના ઉમેદવાર ઝોહરાન મમદાનીએ અમેરિકાના ન્યૂયોર્ક શહેરની મેયરની ચૂંટણી જીતી લીધી છે. તેમને 50%થી વધુ મત મળ્યા છે. તેમના પક્ષમાં 9.48 લાખ લોકોએ મતદાન કર્યું છે.

ન્યૂયોર્કના ભૂતપૂર્વ ગવર્નર અને સ્વતંત્ર ઉમેદવાર એન્ડ્રુ કુઓમો 41% મત એટલે લગભગ 77.6 મિલિયન મત સાથે બીજા ક્રમે રહ્યા. રિપબ્લિકન કર્ટિસ સ્લિવા 7.3% મત એટલે લગભગ 13.7 મિલિયન મત સાથે ત્રીજા ક્રમે રહ્યા.

મમદાની 100 વર્ષમાં ન્યૂયોર્કના સૌથી યુવા મેયર, ભારતીય મૂળના પ્રથમ અને પ્રથમ મુસ્લિમ બનશે. મમદાની ફિલ્મ મેકર મીરા નાયરના પુત્ર છે. તેમણે પોતાની જીત બાદ સોશિયલ મીડિયા પર એક વીડિયો શેર કર્યો.