બિહાર શરીફમાં સ્લીપ વહેંચતા ભાજપના 4 કાર્યકરોની અટકાયત:10 જિલ્લામાં EVM ખરાબ
બિહાર વિધાનસભા ચૂંટણી 2025ના પ્રથમ તબક્કા માટે મતદાન ચાલી રહ્યું છે. 18 જિલ્લાઓની 121 બેઠકો માટે સાંજે 6 વાગ્યા સુધી મતદાન ચાલશે. સવારે 9 વાગ્યા સુધીના બે કલાકમાં રાજ્યમાં 13.13 ટકા મતદાન નોંધાયું હતું.
આજે ચૂંટણીમાં 104 બેઠકો પર સીધો મુકાબલો છે, જ્યારે 17 બેઠકો પર ત્રિકોણીય લડાઈ છે. બિહારની 243 બેઠકો પર 2 તબક્કામાં ચૂંટણીઓ થઈ રહી છે. બિહારની 243 બેઠકો માટે બે તબક્કામાં ચૂંટણી યોજાઈ રહી છે. પરિણામો 14 નવેમ્બરે જાહેર કરવામાં આવશે
વૈશાલીના લાલગંજમાં બૂથ નંબર 334-335 પર EVM ખરાબ થતાં લોકોએ "વોટ ચોર"ના નારા લગાવ્યા. બૂથ પર ભારે હોબાળો મચી ગયો. દરભંગામાં બૂથ નંબર 153 પર EVM ખરાબ થવાને કારણે મતદાન અટકાવી દેવામાં આવ્યું હતું. રાઘોપુરમાં પણ EVM ખરાબ થવાને કારણે મતદાન અટકાવી દેવામાં આવ્યું હતું.
મતદાન સંબંધિત મહત્વપૂર્ણ બાબતો...
- લાલુ પરિવારે મતદાન કર્યું: લાલુના પરિવારે પટનાના વેટરનરી કોલેજ બૂથ પર મતદાન કર્યું. લાલુ, રાબડી, તેજસ્વી, તેમની પત્ની રાજશ્રી અને બહેન મીસા ભારતીએ મતદાન કર્યું. આ દરમિયાન રાબડી દેવીએ કહ્યું, "હું મારા બંને પુત્રોને આશીર્વાદ આપું છું. તેજ પ્રતાપ અને તેજસ્વી બંને પોતાના બળ પર ચૂંટણી લડી રહ્યા છે."
- મુઝફ્ફરપુરમાં ત્રણ બૂથ પર મતદાનનો બહિષ્કાર: ગાયઘાટ વિધાનસભા મતવિસ્તારમાં ત્રણ બૂથ પર મતદાનનો બહિષ્કાર થયો. બૂથ નંબર 161, 162 અને 170 પર મતદારોએ ઓવર બ્રિજ અને રસ્તા બનાવવાના મોમલે બહિષ્કાર કર્યો.
- દાનાપુર, માધેપુરા અને રાઘોપુરમાં EVM ખામી: દાનાપુરમાં બૂથ નંબર 196 પર EVM ખામીને કારણે મતદાન ખોરવાઈ ગયું. અડધા કલાક પછી મતદાન ફરી શરૂ થયું.
- બખ્તિયારપુરમાં બૂથ નંબર 316 પર EVM ખરાબ થયું- જેના કારણે મતદાન મથક પર લાંબી કતારો લાગી ગઈ હતી. રાઘોપુરમાં એક બૂથ પર EVM ખરાબ થવાને કારણે મતદાન અટકાવી દેવામાં આવ્યું હતું.
- પ્રથમ તબક્કામાં 10 હોટ સીટ: જેમાં તેજસ્વી યાદવ, તેજ પ્રતાપ યાદવ, સમ્રાટ ચૌધરી, વિજય કુમાર સિંહા, અનંત સિંહ સહિત ઘણા મોટા ચહેરાઓની વિશ્વસનીયતા દાવ પર છે.
- સંવેદનશીલ બૂથ પર સાંજે 5 વાગ્યા સુધી મતદાન: સુરક્ષા કારણોસર સિમરી બખ્તિયારપુર, મહિસી, તારાપુર (મુંગેર જિલ્લો) અને જમાલપુરમાં મતદાનનો સમય સાંજે 5વાગ્યા સુધી મર્યાદિત કરવામાં આવ્યું છે.
- ભાજપના 4 કાર્યકરોની અટકાયત: બિહાર શરીફમાં મતદાન દરમિયાન પોલીસે ચાર ભાજપના કાર્યકરોની અટકાયત કરી હતી. પોલીસનું કહેવું છે કે તેઓ વોર્ડ 16માં બૂથ નંબર 226 થી 232 પાસે સ્લીપ વહેંચી રહ્યા હતા.
દાનાપુરના બૂથ નંબર 196 પર EVM ખરાબ થવાને કારણે મતદાન ખોરવાઈ ગયું હતું. દરમિયાન દરભંગામાં ગઈકાલે મોડીરાત્રે એક યુવાન 1 લાખ રૂપિયાની રોકડ સાથે ઝડપાઈ ગયો હતો.
પહેલા તબક્કામાં 1314 ઉમેદવારો ચૂંટણીના મેદાનમાં છે. આ ઉમેદવારોના ભાગ્યનો નિર્ણય 3.75 કરોડ મતદારો કરશે. મતદાન માટે 45,341 બૂથ બનાવવામાં આવ્યા છે.
પહેલા તબક્કામાં 10 હોટ બેઠકો છે, જેમાં તેજસ્વી યાદવ, તેજપ્રતાપ યાદવ, સમ્રાટ ચૌધરી, વિજય કુમાર સિંહા, અનંત સિંહ સહિત ઘણા મોટા ચહેરાઓની શાખ દાવ પર છે.
2 ડેપ્યુટી સીએમ સહિત 18 મંત્રીઓની શાખ દાવ પર છે. સુરક્ષાના સંદર્ભમાં પોલિંગ બૂથો પર 4 લાખથી વધુ સુરક્ષાકર્મીઓની ડ્યુટી લગાવવામાં આવી છે.
