સોમવારે સાંજે દિલ્હીમાં લાલ કિલ્લા પાસે થયેલા કાર બોમ્બ બ્લાસ્ટ બાદ, 11 રાજ્યોમાં હાઇ એલર્ટ જાહેર કરવામાં આવ્યું છે. જેમાં દિલ્હી-NCR, હરિયાણા, પંજાબ, ઉત્તરપ્રદેશ, બિહાર, મહારાષ્ટ્ર, મધ્ય પ્રદેશ, રાજસ્થાન, ઉત્તરાખંડ, ગુજરાત અને છત્તીસગઢનો સમાવેશ થાય છે.

તમિલનાડુ, તેલંગાણા અને આંધ્રપ્રદેશમાં પણ પોલીસ સુરક્ષા વધારી દેવામાં આવી છે. CISFએ IGI એરપોર્ટ અને મેટ્રો સ્ટેશનો સહીત દિલ્હી-NCR હાઇ એલર્ટ પર રાખ્યું છે. મહારાષ્ટ્રમાં પણ પોલીસ હાઇ એલર્ટ પર છે. મુંબઈમાં મુખ્ય સ્થળો, નાગપુરમાં RSS હેડક્વાર્ટર સહીત રાજ્યના મુખ્ય સ્થળોની સુરક્ષા વધારી દેવામાં આવી છે.

ઉત્તર પ્રદેશના સંવેદનશીલ જિલ્લાઓ, જેમ કે અયોધ્યા, કાશી અને મથુરામાં પોલીસ એલર્ટ પર છે. મંદિરો, બજારો, રેલવે સ્ટેશનો અને જાહેર સ્થળોએ પેટ્રોલિંગ વધારી દેવામાં આવ્યું છે. ક્વિક રિસ્પોન્સ ટીમો (QRTs) અને આતંકવાદ વિરોધી ટુકડીઓ (ATS)ને સ્ટેન્ડબાય પર રાખવામાં આવી છે.

રાજ્યોના તમામ જિલ્લા સ્તરના યુનિટ કમાન્ડરો અને શહેર કમિશનરોને સતર્ક રહેવા સૂચના આપવામાં આવી છે. જાહેર સ્થળોએ શંકાસ્પદ વસ્તુઓની ઓળખ કરવા માટે ડોગ સ્ક્વોડ અને બોમ્બ ડિસ્પોઝલ ટીમો પણ તહેનાત કરવામાં આવી છે.

ઉત્તર પ્રદેશ: દિલ્હી વિસ્ફોટમાં અમરોહાના યુવાનનું મોત, આગ્રા-ગાઝિયાબાદ અને દેવરિયાના 3 લોકો ઘાયલ