દિલ્હી લાલ કિલ્લા બ્લાસ્ટને લઈને બુધવાર મોડી રાતે બ્લાસ્ટનો સૌથી નજીકનો CCTV ફૂટેજ સામે આવ્યો છે. 10 સેકન્ડના વીડિયોમાં દેખાઈ રહ્યું છે કે લાલ કિલ્લા મેટ્રો સ્ટેશનના સિગ્નલ પર 20થી વધારે ગાડીઓ ઊભી છે.

સાંજે લગભગ 6:51 વાગ્યે સિગ્નલ ગ્રીન થયું, જેવી ગાડીઓ આગળ વધી, i20 કારમાં બ્લાસ્ટ થઈ ગયો. પ્રચંડ ધમાકાથી આગની જ્વાળાઓ ઊઠી. આસપાસની મોટાભાગની ગાડીઓના ચીથરાં ઊડી ગયા.

આ બાજુ ડૉ. ઉમર ઉન નબીનો DNA તેની માતાના DNA સાથે મેચ થઈ ગયો. તપાસ ટીમોને કારમાંથી ઉમરના દાંત, હાડકાં, લોહી લાગેલા કપડાંના ટુકડા અને પગનો ભાગ મળ્યો હતો, જે સ્ટિયરિંગ વ્હીલ અને એક્સિલરેટરની વચ્ચે ફસાયેલો હતો.

આનાથી સ્પષ્ટ થઈ ગયું છે કે બ્લાસ્ટના સમયે કારમાં ડૉ. ઉમર હાજર હતો. નવેમ્બર 10ના રોજ લાલ કિલ્લા મેટ્રો સ્ટેશનની પાસે થયેલા બ્લાસ્ટમાં 13 લોકો માર્યા ગયા છે. એક ઘાયલ વ્યક્તિનું મૃત્યુ ગુરુવાર સવારે થયું છે.

પોલીસને શંકા છે કે દિલ્હી બોમ્બ વિસ્ફોટોમાં સામેલ આતંકવાદીઓ પાસે એક નહીં, પરંતુ બે કાર હતી. બુધવારે દિલ્હી અને પડોશી રાજ્ય ઉત્તર પ્રદેશ અને હરિયાણામાં સર્ચ એલર્ટ જારી કરવામાં આવ્યું હતું.

હરિયાણાના ખંડાવલી ગામ નજીકથી મળેલા વાહનની તપાસ માટે NSG બોમ્બ સ્ક્વોડની ટીમ પહોંચી ગઈ છે. વાહન હજુ સુધી સંપૂર્ણપણે તોડી પાડવામાં આવ્યું નથી. સૂત્રોના જણાવ્યા અનુસાર, વાહન આરોપી ઉમર નબીના ડ્રાઇવરની બહેનના ઘર પાસે મળી આવ્યું હતું. સ્થાનિક લોકોએ જણાવ્યું હતું કે કાર મંગળવારથી ત્યાં હતી.

દિલ્હી વિસ્ફોટમાં 3 ખુલાસા...