PM નરેન્દ્ર મોદી બુધવારે આંધ્રપ્રદેશ અને તમિલનાડુની મુલાકાત લેશે. તેઓ આંધ્રપ્રદેશના પુટ્ટપર્થી ખાતે સત્ય સાંઈ બાબાના મંદિર અને મહાસમાધિ પર શ્રદ્ધાંજલિ અર્પણ કરશે.

ત્યારબાદ તેઓ સત્ય સાંઈ બાબાના શતાબ્દી સમારોહમાં હાજરી આપશે. આ કાર્યક્રમ દરમિયાન, મોદી એક સ્મારક સિક્કો અને ટપાલ ટિકિટનો સેટ જાહેર કરશે. તેઓ સભાને પણ સંબોધન કરશે.

ત્યારબાદ પીએમ મોદી તમિલનાડુના કોઈમ્બતુર જશે. તેઓ બપોરે લગભગ 1:30 વાગ્યે દક્ષિણ ભારત નેચરલ ફાર્મિંગ સમિટ 2025નું ઉદ્ઘાટન કરશે. આ દરમિયાન, તેઓ પીએમ કિસાન યોજનાનો 21મો હપ્તો જાહેર કરશે.

નેચરલ ફાર્મિંગ સમિટમાં 50 હજાર ખેડૂતો હાજરી આપશે.

દક્ષિણ ભારત નેચરલ ફાર્મિંગ સમિટ 2025 19 થી 21 નવેમ્બર દરમિયાન યોજાઈ રહી છે. તેનું આયોજન તમિલનાડુ નેચરલ ફાર્મિંગ સ્ટેકહોલ્ડર્સ ફોરમ દ્વારા કરવામાં આવ્યું છે.

આ સમિટ ખેડૂતો અને ગ્રામીણ ઉદ્યોગસાહસિકો માટે બજાર-સંલગ્ન તકોનું સર્જન પણ કરશે, અને જૈવિંક ખાતરો, કૃષિ-પ્રક્રિયા, પર્યાવરણને અનુકૂળ પેકેજિંગ અને સ્વદેશી તકનીકોમાં નવીનતાઓ પ્રદર્શિત કરશે.

આ કાર્યક્રમમાં તમિલનાડુ, પુડુચેરી, કેરળ, તેલંગાણા, કર્ણાટક અને આંધ્રપ્રદેશના 50,000થી વધુ ખેડૂતો, કુદરતી ખેતી નિષ્ણાતો, વૈજ્ઞાનિકો અને કૃષિ વ્યાવસાયિકો ભાગ લેશે.

નેચરલ ફાર્મિંગ સમિટના 3 ઉદ્દેશ્યો...

પીએમ મોદીની આંધ્રપ્રદેશ અને તમિલનાડુની છેલ્લી મુલાકાત...

16 ઓક્ટોબર, આંધ્રપ્રદેશ: 13,430 કરોડ રૂપિયાના પ્રોજેક્ટ્સનું ઉદ્ઘાટન કર્યુ હતું

16 ઓક્ટોબરના રોજ, વડાપ્રધાન નરેન્દ્ર મોદીએ આંધ્રપ્રદેશના કુર્નૂલમાં ₹13,430 કરોડના પ્રોજેક્ટ્સનું ઉદ્ઘાટન અને શિલાન્યાસ કર્યો. આ પ્રસંગે, મોદીએ જણાવ્યું હતું કે 2047માં, જ્યારે ભારત તેની સ્વતંત્રતાની 100મી વર્ષગાંઠ ઉજવશે, ત્યારે તે "વિકસિત ભારત" હશે. તેમણે કહ્યું "હું વિશ્વાસપૂર્વક કહું છું કે 21મી સદી ભારતની, 140 કરોડ ભારતીયોની સદી હશે." ​​​​​​

27 જુલાઈ, તમિલનાડુ: ₹4,900 કરોડના વિકાસ પ્રોજેક્ટ્સનું ઉદ્ઘાટન

27 જુલાઈના રોજ, વડાપ્રધાન નરેન્દ્ર મોદીએ તમિલનાડુના તુતીકોરિનમાં 4900 કરોડ રૂપિયાથી વધુના વિકાસ પ્રોજેક્ટ્સનું ઉદ્ઘાટન અને શિલાન્યાસ કર્યો. આમાં એક નવું એરપોર્ટ ટર્મિનલ, હાઇવે, બંદરો, રેલવે અને પાવર ટ્રાન્સમિશન પ્રોજેક્ટ્સનો સમાવેશ થાય છે.