ગાંધીનગરમાં આજે મુખ્યમંત્રી ભૂપેન્દ્ર પટેલની અધ્યક્ષતામાં રાજ્ય કેબિનેટની મહત્વપૂર્ણ બેઠક યોજાશે. આ બેઠકમાં રાજ્યમાં ચાલી રહેલા વિવિધ કાર્યક્રમો અને જાહેર હિતના મુદ્દાઓ પર સમીક્ષા કરવામાં આવશે.

ખેડૂતોના વિવિધ મુદ્દે ચર્ચા કરાશે

મળતી માહિતી મુજબ, બેઠકમાં ખેડૂતો માટે શરૂ કરાયેલા ટેકાના ભાવે સીધી ખરીદીની પ્રગતિની સમીક્ષા થશે. સાથે-સાથે રાજ્યમાં કૃષિ રાહત પેકેજ અમલમાં છે, તેની પણ વિગતવાર સમીક્ષા કરવામાં આવશે. રાજ્યના કેટલાક વિસ્તારોમાં ખાતરની અછતની ફરિયાદો સામે આવી રહી હોવાને કારણે આ મુદ્દો પણ બેઠકમાં ચર્ચાના કેન્દ્રમાં રહેશે.

ચિંતન શિબિર મુદ્દે પણ ચર્ચા કરાશે

આ ઉપરાંત, રાજ્યમાં ચાલુ એકતા યાત્રાના કાર્યક્રમોના આયોજન, અમલીકરણ અને આગામી તબક્કા અંગે પણ સમીક્ષા કરવામાં આવશે. રાજ્ય સરકાર દ્વારા આયોજન કરાયેલા ચિંતન શિબિરના મુદ્દે પણ ચર્ચા યોજાશે, જેમાં નીતિગત ફેરફારો અને આગામી આયોજન અંગે નિર્ણય લેવાય તેવી શક્યતા છે.

બેઠકમાં કેટલાંક મહત્વપૂર્ણ નિર્ણયો લેવાઈ શકે

કેબિનેટ બેઠકમાં સરકારના આગામી કાર્યક્રમો, નીતિઓ અને લોકોની કલ્યાણકારી યોજનાઓના અમલીકરણ પર અંતિમ ચર્ચા થતાં કેટલાક મહત્વપૂર્ણ નિર્ણય લેવાશે તેવી શક્યતા છે.