સેન્સેક્સમાં 300 અંકનો ઉછાળો:84,800 પર ટ્રેડિંગ, નિફ્ટી પણ 100 અંક વધ્યો
શેરબજારમાં આજે એટલે કે 26 નવેમ્બરે તેજી જોવા મળી રહી છે. સેન્સેક્સ લગભગ 300 પોઈન્ટના ઉછાળા સાથે 84,800 પર કારોબાર કરી રહ્યો છે. જ્યારે નિફ્ટીમાં પણ લગભગ 100 પોઈન્ટનો ઉછાળો છે, તે 25,950 પર કારોબાર કરી રહ્યો છે. આજે ઓટો, મેટલ અને IT શેર્સમાં વધુ તેજી જોવા મળી રહી છે.
પ્રથમ AI IPOને સેબીની મંજૂરી એન્ટરપ્રાઇઝ આર્ટિફિશિયલ ઇન્ટેલિજન્સ (AI) કંપની ફ્રેક્ટલ એનાલિટિક્સને 4,900 કરોડ રૂપિયાના IPO માટે સેબી તરફથી મંજૂરી મળી ગઈ છે. આ દેશની પ્રથમ AI-કેન્દ્રિત લિસ્ટિંગ હશે, જેનાથી રોકાણકારોને વધતા AI સેક્ટરમાં ભાગીદારીનો મોકો મળશે. કંપની આ રકમનો ઉપયોગ દેવું ચૂકવવા, નવી ઓફિસો બનાવવા અને રિસર્ચ અને ડેવલપમેન્ટમાં કરશે.
ગ્લોબલ માર્કેટમાં તેજી
- એશિયન બજાર: કોરિયાનો કોસ્પી 1.62% ઉપર 3,920 પર, હોંગકોંગનો હેંગસેંગ 0.25% ઉપર 25,958 પર અને જાપાનનો નિક્કેઈ 1.94% ઉપર 49,605 પર ટ્રેડ કરી રહ્યા છે.
- અમેરિકી બજાર: 25 નવેમ્બરના રોજ ડાઉ જોન્સ 1.43% વધીને 47,112 પર બંધ થયો. જ્યારે, નાસ્ડેક કમ્પોઝિટમાં 0.67% અને S&P માં 0.91% નો વધારો રહ્યો.
બજારને સ્થાનિક રોકાણકારો સંભાળી રહ્યા છે 25 નવેમ્બરના રોજ વિદેશી રોકાણકારો (FIIs) એ ₹917 કરોડના શેર વેચ્યા. જ્યારે સ્થાનિક રોકાણકારો (DIIs- આપણા દેશના મોટા ફંડ) એ ₹3,423 કરોડની ખરીદી કરી. આ મહિને અત્યાર સુધીમાં- FIIs એ ₹17,227 કરોડના શેર વેચ્યા છે. જ્યારે, DIIs એ ₹62,746 કરોડના શેર ખરીદ્યા. આમ જાણવા મળે છે કે બજારને સ્થાનિક રોકાણકારોનો વધુ ટેકો છે.
ગઈકાલે બજારમાં ઘટાડો રહ્યો હતો આ પહેલા ગઈકાલે એટલે કે 25 નવેમ્બરે શેરબજારમાં ઘટાડો જોવા મળ્યો હતો. સેન્સેક્સ 314 પોઈન્ટ ઘટીને 84,587 પર બંધ થયો હતો. જ્યારે નિફ્ટીમાં 75 પોઈન્ટનો ઘટાડો જોવા મળ્યો હતો, તે 25,885 પર બંધ થયો હતો.
