Loading...

એક બાદ એક 8 બિલ્ડિંગમાં આગ ભભુકી, 44નાં મોત; 279 ઘાયલ; 35 માળની બિલ્ડિંગમાં વાંસના માળખામાંથી આગ ફેલાઈ હતી

હોંગકોંગના તાઈ પો નામના વિસ્તારમાં બુધવારે એક મોટા રહેણાંક કોમ્પ્લેક્સમાં લાગેલી ભીષણ આગે આખા શહેરને હચમચાવી દીધું છે. અત્યાર સુધીમાં 44 લોકોનાં મોત થયા છે, જ્યારે 279 ઘાયલ છે.

આ કોમ્પ્લેક્સ કુલ આઠ ઇમારતોનું હતું, જેમાં લગભગ બે હજાર એપાર્ટમેન્ટ હતા. વાંગ ફુક કોર્ટના આ ટાવર વાંસના માળખાથી ઢંકાયેલા હતા.

આગની શરૂઆત ઇમારતોની બહાર લાગેલા આ જ માળખામાંથી થઈ હતી, જેના પર સમારકામ ચાલી રહ્યું હતું. ભારે પવન અને સળગતા કાટમાળને કારણે જ્વાળાઓ એક ઇમારતથી બીજી ઇમારત સુધી ફેલાતી ગઈ.