શેરબજાર ઘટાડા સાથે ખુલ્યું:સેન્સેક્સ 100 પોઈન્ટ ઘટીને 85,600ના સ્તરે, નિફ્ટી પણ 50 પોઈન્ટ ગગડ્યો
અઠવાડિયાના પહેલા કારોબારી દિવસે સોમવાર, 8 ડિસેમ્બરે શેરબજારમાં ઘટાડો જોવા મળી રહ્યો છે. સેન્સેક્સ 100 પોઈન્ટ ઘટીને 85,600ના સ્તરે કારોબાર કરી રહ્યો છે. નિફ્ટીમાં પણ 50 પોઈન્ટનો ઘટાડો છે, તે 26,130ની સપાટીએ કારોબાર કરી રહ્યો છે. સેન્સેક્સના 30 માંથી 11 શેરોમાં તેજી અને 19 શેરોમાં ઘટાડો જોવા મળી રહ્યો છે.
ગ્લોબલ માર્કેટમાં મિશ્ર કારોબાર
- એશિયન બજારોમાં જાપાનનો નિક્કેઈ ઇન્ડેક્સ 0.03% ઘટીને 50,473 પર અને કોરિયાનો કોસ્પી 0.19% વધીને 4,107 પર કારોબાર કરી રહ્યો છે.
- હોંગકોંગનો હેંગસેંગ ઇન્ડેક્સ 0.98% ઘટીને 25,829 પર અને ચીનનો શાંઘાઈ કમ્પોઝિટ 0.62% વધીને 3,927.19 પર કારોબાર કરી રહ્યો છે.
- 5 ડિસેમ્બરે અમેરિકાનો ડાઉ જોન્સ 0.22% વધીને 47,954 પર બંધ થયો. જ્યારે,નેસ્ડેક કમ્પોઝિટ 0.31% અને S&P 500 0.19% વધીને બંધ થયા હતા.
વિદેશી રોકાણકારોએ 5 દિવસમાં ₹10,203 કરોડના શેર્સ વેચ્યા
- 5 ડિસેમ્બરે વિદેશી રોકાણકારો (FIIs) એ કેશ સેગમેન્ટમાં ₹239.26 કરોડના શેર વેચ્યા. જ્યારે સ્થાનિક રોકાણકારો (DIIs) એ ₹3,853.57 કરોડની ખરીદી કરી.
- ડિસેમ્બરના પહેલા 5 કારોબારી દિવસમાં FIIsએ કુલ ₹10,203 કરોડના શેર વેચ્યા છે. આ દરમિયાન બજારને સંભાળી રહેલા DIIsએ ₹19,449 કરોડના શેર ખરીદ્યા છે.
- નવેમ્બર મહિનામાં FIIsએ કુલ ₹17,500.31 કરોડના શેર વેચ્યા. જ્યારે, DIIsએ ₹77,083.78 કરોડની ખરીદી કરી. એટલે કે, બજારને સ્થાનિક રોકાણકારોનો સપોર્ટ છે.
2026માં નિફ્ટી 29,000 પર પહોંચશે
બેંક ઓફ અમેરિકાએ કેલેન્ડર યર 2026 માટે નિફ્ટીનો ટાર્ગેટ 29,000 નક્કી કર્યો છે, જે વર્તમાન સ્તરથી 11% ગ્રોથ છે. બ્રોકરેજે કહ્યું કે વેલ્યુ વધવાની સંભાવના ઓછી છે અને આવકમાં ગ્રોથ થવાથી બજારમાં તેજી આવશે.
શુક્રવારે સેન્સેક્સ 447 અંક વધ્યો હતો
શુક્રવાર, 5 ડિસેમ્બરે સેન્સેક્સ 447 અંક વધીને 85,712 પર બંધ થયો. નિફ્ટીમાં પણ 152 અંકનો ઉછાળો રહ્યો, તે 26,186 પર બંધ થયો હતો. જ્યારે, SBI અને બજાજ ફિનસર્વના શેરોમાં પણ ઉછાળો જોવા મળ્યો છે.
સેન્સેક્સના 30માંથી 24 શેરોમાં તેજી રહી. નિફ્ટીના 50માંથી 38 શેરો વધીને બંધ થયા છે. બેન્કિંગ, IT અને રિયલ્ટી શેરોમાં ખરીદી જોવા મળી. મીડિયા અને ફાર્મા શેરોમાં વેચવાલી રહી હતી.
