સેન્સેક્સ 200 પોઈન્ટ ઘટીને 84,500 પર ટ્રેડિંગ:નિફ્ટી 50 પોઈન્ટ ઘટ્યો
અઠવાડિયાના બીજા કારોબારી દિવસે આજે એટલે કે 30 ડિસેમ્બરે શેરબજારમાં ઘટાડો જોવા મળ્યો છે. સેન્સેક્સ 200 અંક ઘટીને 84,500 પર કારોબાર કરી રહ્યો છે. નિફ્ટીમાં 50 અંકનો ઘટાડો છે, તે 25,880 પર છે.
સેન્સેક્સના 30 શેરોમાંથી 23માં ઘટાડો જોવા મળ્યો છે. નિફ્ટીના 50માંથી 38 શેર્સ નીચે કારોબાર કરી રહ્યા છે. NSEના તમામ સેક્ટોરલ ઇન્ડેક્સ ઘટ્યા છે. મીડિયા, રિયલ્ટી અને બેન્કિંગમાં વધુ ઘટાડો છે.
આજે સતત છઠ્ઠું સેશન છે જ્યારે બજારમાં ઘટાડો જોવા મળ્યો છે. આ પહેલા 22 ડિસેમ્બરે સેન્સેક્સ 85567ના સ્તરે હતો, ત્યારથી તેમાં ઘટાડો છે. ગઈકાલે બજાર 345 અંક ઘટીને 84,695 પર બંધ થયું હતું.
ગ્લોબલ માર્કેટમાં મિશ્ર કારોબાર
- એશિયન બજારોમાં કોરિયાનો કોસ્પી ફ્લેટ 4,220 પર અને જાપાનનો નિક્કેઈ ઇન્ડેક્સ 0.19% નીચે 50,430 પર કારોબાર કરી રહ્યો છે.
- હોંગકોંગનો હેંગસેંગ ઇન્ડેક્સ 0.26% ઉપર 25,701 પર અને ચીનનો શાંઘાઈ કમ્પોઝિટ ઇન્ડેક્સ 0.027% ઘટીને 3,964 પર કારોબાર કરી રહ્યો છે.
- 29 ડિસેમ્બરે અમેરિકાનો ડાઉ જોન્સ 0.51% ઘટીને 48,462 પર બંધ થયો હતો. જ્યારે, નાસ્ડેક કમ્પોઝિટમાં 0.50% અને S&P 500માં 0.35%નો ઘટાડો રહ્યો.
ઘરેલુ રોકાણકારોએ ₹2,644 કરોડના શેર્સ ખરીદ્યા
- 29 ડિસેમ્બરે વિદેશી રોકાણકારો (FIIs) એ 2,759.89 કરોડના શેર વેચ્યા અને સ્થાનિક રોકાણકારો (DIIs) એ 2,643.85 કરોડ રૂપિયાના શેર ખરીદ્યા.
- ડિસેમ્બરમાં 29 તારીખ સુધી FIIs એ કુલ ₹26,908.22 કરોડના શેર વેચ્યા. આ સમયગાળા દરમિયાન બજારને સંભાળી રહેલા DIIs એ ₹66,700.46 કરોડના શેર ખરીદ્યા છે.
- નવેમ્બર મહિનામાં FIIs એ કુલ ₹17,500.31 કરોડના શેર વેચ્યા. જ્યારે, DIIs એ ₹77,083.78 કરોડની ખરીદી કરી. એટલે કે, બજારને સ્થાનિક રોકાણકારોનો ટેકો છે.
ગઈકાલે બજાર 345 પોઈન્ટ ઘટીને બંધ થયું હતું
અઠવાડિયાના પહેલા કારોબારી દિવસે આજે એટલે કે સોમવાર, 29 ડિસેમ્બરે સેન્સેક્સ 345 પોઈન્ટ ઘટીને 84,695 પર બંધ થયો છે. નિફ્ટીમાં 100 પોઈન્ટનો ઘટાડો રહ્યો, તે 25,942 પર બંધ થયો છે.
સેન્સેક્સના 30 શેરોમાંથી 18માં ઘટાડો જોવા મળ્યો. નિફ્ટીના 50 શેરોમાંથી 33 શેર ઘટાડામાં રહ્યા. ઓટો, IT, ફાર્મા અને રિયલ્ટી શેરોમાં ઘટાડો રહ્યો, જ્યારે એકલા મીડિયા સેક્ટરમાં તેજી જોવા મળી છે.
