જમ્મુ-કાશ્મીર, હિમાચલ પ્રદેશ જેવા પહાડી રાજ્યોમાં હિમવર્ષા થઈ રહી છે. તેની અસર મેદાની રાજ્યો પર જોવા મળી રહી છે. જમ્મુ-કાશ્મીરની સોનમર્ગ ટનલ પાસે ભારે હિમવર્ષા થઈ.

હિમાચલના લાહૌલ સ્પીતિમાં 30 ડિસેમ્બરની સાંજથી હિમવર્ષા ચાલુ છે. અહીં તાપમાન -10°C સુધી જઈ શકે છે. મધ્ય પ્રદેશના શહડોલના કલ્યાણપુરમાં તાપમાન 1.7°C રહ્યું.

છત્તીસગઢના મૈનપાટમાં રાત્રિનું તાપમાન 2°C પહોંચ્યું. અંબિકાપુર, ગૌરેલા-પેંડ્રા-મરવાહીમાં ઝાકળ જામી ગઈ. 4 વિભાગ કોલ્ડવેવની ઝપેટમાં છે. રાજસ્થાનમાં કડકડતી ઠંડી વચ્ચે 2 દિવસ વરસાદની પણ ચેતવણી છે.

દિલ્હી-NCRમાં બુધવારની સવાર ગાઢ ધુમ્મસ સાથે થઈ. દિલ્હીના ઘણા વિસ્તારોમાં વિઝિબિલિટી શૂન્ય રહી. IGI એરપોર્ટ પર ધુમ્મસની અસર ફ્લાઇટ ઓપરેશન પર પણ પડી.

એરપોર્ટે મુસાફરોને એડવાઇઝરી જાહેર કરી. તેમાં કહેવામાં આવ્યું કે CAT III લાગુ કરવામાં આવ્યું છે. ફ્લાઇટ્સમાં વિલંબ થઈ શકે છે. ફ્લાઇટ્સ રદ પણ થઈ શકે છે.

ખરાબ હવામાનના કારણે દિલ્હીથી વડોદરા આવતી એર ઈન્ડિયા અને ઈન્ડિગોની ફ્લાઇટ રદ થઈ છે. જેના કારણે વડોદરાથી દિલ્હી જનારા મુસાફરો અટવાયા છે. ખરાબ હવામાનના કારણે બંને ફ્લાઇટે દિલ્હીથી જ ઉડાન ભરી ન હતી. વડોદરાથી દિલ્હી જનારા મુસાફરો માટે વૈકલ્પિક વ્યવસ્થા કે રિફંડ આપવામાં આવશે.

આગામી 2 દિવસના હવામાનનો હાલ...

1 જાન્યુઆરી: વરસાદ-બરફવર્ષાના સંકેતો

2 જાન્યુઆરી: પહાડી રાજ્યોમાં ભારે બરફવર્ષા

હવે જાણો રાજ્યોના હવામાનનો હાલ...

મધ્ય પ્રદેશ: રાજ્યમાં લઘુત્તમ તાપમાન 1.7°C, ધુમ્મસના કારણે ટ્રેનો મોડી

મધ્ય પ્રદેશમાં કડકડતી ઠંડી યથાવત છે. રાજ્યના પૂર્વીય ભાગો જબલપુર, રીવા, શહડોલ અને સાગર સંભાગમાં તેની અસર વધુ છે. મંગળવારે શહડોલનું તાપમાન 1.7°C નોંધાયું હતું. પહાડી રાજ્યોમાં હિમવર્ષા અને પશ્ચિમી વિક્ષોભ (વેસ્ટર્ન ડિસ્ટર્બન્સ)ની ગતિવિધિને કારણે એમપીમાં ઠંડીની અસર વધી છે. ગાઢ ધુમ્મસ ઉપરાંત કોલ્ડ વેવની અસર પણ જોવા મળી રહી છે.

છત્તીસગઢ: રાજ્યમાં કોલ્ડ વેવનું એલર્ટ, મૈનપાટ સૌથી ઠંડું; પેંડ્રા-સરગુજામાં ઝાકળ જામી