સ્વિટ્ઝર્લેન્ડના પ્રખ્યાત લક્ઝરી સ્કી રિસોર્ટ શહેર ક્રાન્સ મોન્ટાનામાં ગુરુવારે વહેલી સવારે એક બારમાં જોરદાર વિસ્ફોટ થયો. આ ધમાકામાં ઘણા લોકોના મોત થયા છે, જ્યારે અન્ય ઘણા ઘાયલ થયા છે.

સ્વિસ પોલીસે તેની પુષ્ટિ કરી છે. સ્વિટ્ઝર્લેન્ડના દક્ષિણ-પશ્ચિમ વિસ્તાર વાલેસ કેન્ટનની પોલીસના પ્રવક્તા ગાયતાન લાથિયોએ જણાવ્યું કે વિસ્ફોટ કયા કારણે થયો તે હજુ સ્પષ્ટ નથી.

પોલીસ અને ઇમરજન્સી ટીમો ઘટનાસ્થળે પહોંચીને રાહત અને બચાવ કાર્યમાં લાગી ગઈ છે. ઘાયલોને હોસ્પિટલમાં દાખલ કરવામાં આવ્યા છે. પોલીસનું કહેવું છે કે હાલ વિસ્ફોટના કારણોની તપાસ કરવામાં આવી રહી છે અને સમગ્ર વિસ્તારને સુરક્ષા ઘેરામાં લઈ લેવામાં આવ્યો છે.