સુરતના ઉમરપાડા જંગલમાં પ્રેમી યુગલનો આપઘાત:ઝાડની ડાળી પર એક જ દુપટ્ટા વડે ગળાફાંસો ખાઈને જીવન ટૂંકાવ્યું
સુરત જિલ્લાના ઉમરપાડા તાલુકાના ગાઢ જંગલ વિસ્તારમાં એક પ્રેમી યુગલે આપઘાત કરી લીધો છે. યુવક અને યુવતીએ ઝાડની ડાળી સાથે દુપટ્ટો બાંધી ગળેફાંસો ખાઈ જીવન ટૂંકાવ્યું હતું. આ ઘટનાને પગલે સમગ્ર પંથકમાં ચકચાર મચી ગઈ છે.
પ્રાપ્ત માહિતી અનુસાર, આજે ઉમરપાડા તાલુકાના ધાણાવડ નજીક આવેલ કાટણવાડી ગામની હદના જંગલ વિસ્તારમાં સ્થાનિકોએ ઝાડ પર લટકતી હાલતમાં બે મૃતદેહો જોયા હતા. એક જ ડાળી પર દુપટ્ટાના સહારે યુવક અને યુવતીએ આપઘાત કર્યો હોવાનું સામે આવ્યું છે. પ્રાથમિક દૃષ્ટિએ આ પ્રેમપ્રકરણમાં ઉઠાવેલું અંતિમ પગલું હોવાનું જણાઈ રહ્યું છે.
મૃતકોની વિગત
- બંસરી શૈલેષભાઈ પટેલ (ધોડિયા પટેલ), રહે. ચોખવાડા, ઉમરપાડા
- નીરજ બાબુભાઈ પટેલ (ધોડિયા પટેલ), રહે. નવસારી
ઘટનાની જાણ થતાં જ ઉમરપાડા પોલીસનો કાફલો તાત્કાલિક સ્થળ પર પહોંચી ગયો હતો. પોલીસે બંને મૃતદેહોને નીચે ઉતારી પોસ્ટમોર્ટમ માટે ખસેડવાની કાર્યવાહી હાથ ધરી છે. પોલીસે આ મામલે વધુ તપાસ શરૂ કરી છે.
