રાજ્યના તમામ પોલીસ કર્મચારીની અને અધિકારીઓની રજાઓ રદ કરાઈ છે. 7થી 12 જાન્યુઆરી સુધી પોલીસ કર્મીઓ રજા નહીં લઈ શકે. જે કર્મચારીઓ રજા પર છે તેમને તાત્કાલિક હાજર થવા સૂચના અપાઈ છે. વડાપ્રધાનના ગુજરાત પ્રવાસને કારણે રજાઓ કરાઈ રદ કરાઈ છે.

રાજ્ય પોલીસ વડા દ્વારા તમામ અધિકારીઓ અને કર્મચારીની રજા રદ

રાજ્યના ઈન્ચાર્જ પોલીસ વડા કે.એલ.એન રાવ દ્વારા ગુજરાત પોલીસના તમામ કર્મચારી અને અધિકારીની રજા કેન્સલ કરવામાં આવી છે. વડાપ્રધાન નરેન્દ્ર મોદી ગુજરાતની મુલાકાતે આવવાના છે તે બાબતને ધ્યાનમાં રાખીને હાલ રજા રદ કરવાનો નિર્ણય કરાયો છે. આ ઉપરાંત ફ્લાવર શો અને આગામી તહેવારને પણ ધ્યાનમાં રાખીને આ નિર્ણય કરવામાં આવ્યો હોવાનું જાણવા મળ્યું છે.

PMના ગુજરાત પ્રવાસને લઈ નિર્ણય કરાયો

આગામી તા. 10થી 12 જાન્યુઆરી દરમિયાન વડાપ્રધાન ગુજરાતના વિવિધ જિલ્લા અને શહેરમાં યોજાનાર કાર્યક્રમોમાં હાજરી આપવાના છે. જેને સુરક્ષા વ્યવસ્થા લોખંડી બનાવવાની તૈયારીઓ શરૂ કરી દેવામાં આવી છે. આ દરમિયાન કાયદો અને વ્યવસ્થાની સ્થિતિ જાળવવા તથા દેશ-વિદેશના મહાનુભાવોની સુરક્ષાને ધ્યાને રાખીને રાજ્યના પોલીસ મહાનિરીક્ષક અને મુખ્ય પોલીસ અધિકારી દ્વારા પરિપત્ર જારી કરવામાં આવ્યો છે. જે મુજબ રાજ્યના તમામ પોલીસ અધિકારીઓ અને કર્મચારીઓની રજાઓ પર તાત્કાલિક અસરથી પ્રતિબંધ મૂકી દેવામાં આવ્યો છે.

જે રજા પર છે તેને તાત્કાલિક ફરજ પર હાજર થવા સૂચના

પરિપત્રના આદેશ અનુસાર 7થી 12 જાન્યુઆરી 2026 સુધીના સમયગાળા દરમિયાન કોઈ પણ પોલીસકર્મી રજા લઈ શકશે નહીં. જે કર્મચારીઓ હાલમાં રજા પર છે, તેમને પણ રજા ટૂંકાવીને તાત્કાલિક પોતાની ફરજ પર હાજર થવા માટે સૂચના આપવામાં આવી છે.

રાજ્યમાં પોલીસ બેડાને સ્ટેન્ડ-બાય મોડ રખાયો

વડાપ્રધાનના આગમનને લઈ બંદોબસ્તને પ્રાથમિકતા આપીને તમામ અધિકારીઓને હેડક્વાર્ટર ન છોડવા કડક આદેશ કરવામાં આવ્યા છે. રાજ્યના તમામ મહત્વના વિભાગો જેવા કે એસીબી, સીઆઈડી ઇન્ટેલિજન્સ અને રેલવે પોલીસને મોકલી દેવામાં આવી છે. આ દરમિયાન ગાંધીનગર સહિત સમગ્ર રાજ્યમાં પોલીસ બેડાને સ્ટેન્ડ-બાય મોડ પર રાખવામાં આવ્યો છે.