ઉત્તરાખંડમાં પારો -21°C પહોંચ્યો:બિહારના 32 જિલ્લામાં કોલ્ડવેવ, યુપીમાં ધુમ્મસ, 50 ટ્રેનો મોડી
ઉત્તરાખંડમાં સતત ત્રણ દિવસથી 2 શહેરોનું તાપમાન -21°C નોંધાયું છે. આમાં પિથોરાગઢનું આદિ કૈલાશ અને રુદ્રપ્રયાગનું કેદારનાથ ધામ સામેલ છે. ચમોલી, ઉત્તરકાશી, રુદ્રપ્રયાગમાં પાણીની પાઇપલાઇન જામી ગઈ છે.
પહાડી રાજ્યોમાંથી આવતા બર્ફીલા પવનોને કારણે રાજસ્થાનમાં ઠંડી વધી ગઈ છે. 13 જિલ્લાઓમાં ધુમ્મસ અને કોલ્ડવેવનું એલર્ટ જાહેર કરવામાં આવ્યું છે. શુક્રવારે જેસલમેર સૌથી ઠંડું શહેર રહ્યું. અહીં લઘુત્તમ તાપમાન 4.6 ડિગ્રી નોંધાયું.
જ્યારે બિહારના 32 જિલ્લાઓમાં ગાઢ ધુમ્મસ છવાયેલું રહ્યું. આનાથી વિઝિબિલિટી 10 મીટરની આસપાસ રહેવાની સંભાવના છે. આગામી એક અઠવાડિયા સુધી કડકડતી ઠંડી પડશે. 16 જિલ્લાઓમાં પારો 7 ડિગ્રીથી નીચે પહોંચી ગયો છે.
ઉત્તર પ્રદેશના 30 શહેરોમાં શનિવારે સવારે ધુમ્મસ છવાયું. ધુમ્મસની અસર ટ્રેન અને ફ્લાઇટ્સ પર જોવા મળી રહી છે. ગોરખપુર, લખનઉ અને વારાણસી સહિતના તમામ સ્ટેશનો પર 50થી વધુ ટ્રેનો મોડી ચાલી રહી છે. કેટલીક તો 10-10 કલાક મોડી ચાલી રહી છે. આ ઉપરાંત લખનઉ, ગોરખપુર અને વારાણસી એરપોર્ટ પર 5 થી વધુ ફ્લાઇટ્સ મોડી પહોંચી.
આ તરફ, મધ્ય પ્રદેશમાં ભોપાલ, ઇન્દોર, ઉજ્જૈન અને જબલપુરમાં રાતનું તાપમાન ઘટી ગયું છે. આગામી 2 દિવસ સુધી આવું જ હવામાન રહેશે. શનિવારે સવારે 15થી વધુ જિલ્લાઓમાં ગાઢ ધુમ્મસ છવાયું હતું.
આગામી 2 દિવસ હવામાનની સ્થિતિ...
11 જાન્યુઆરી: પહાડી રાજ્યોમાં ભારે હિમવર્ષા
પંજાબ, હરિયાણા, રાજસ્થાન, બિહાર, મધ્ય પ્રદેશમાં ગાઢ ધુમ્મસનું એલર્ટ, કડકડતી ઠંડી રહેશે.
જમ્મુ-કાશ્મીર, હિમાચલ પ્રદેશ અને ઉત્તરાખંડમાં ભારે હિમવર્ષાનું એલર્ટ.
12 જાન્યુઆરી: મેદાનીય રાજ્યોમાં વરસાદ
ઉત્તર પ્રદેશ, રાજસ્થાન, બિહાર, મધ્ય પ્રદેશ, ઝારખંડ, છત્તીસગઢ, પંજાબ, હરિયાણામાં ધુમ્મસ સાથે હળવા વરસાદનું એલર્ટ.
પહાડી રાજ્યોમાં તાપમાન વધુ ઘટી શકે છે. જમ્મુ-કાશ્મીર, હિમાચલ પ્રદેશ અને ઉત્તરાખંડમાં ભારે હિમવર્ષા ચાલુ રહેશે.
રાજ્યોમાં હવામાનની સ્થિતિ…
મધ્ય પ્રદેશમાં ઠંડા પવનો ફૂંકાયા, ગ્વાલિયર-ચંબલમાં વધુ અસર; 15 જિલ્લામાં ગાઢ ધુમ્મસ
ઠંડા પવનોના કારણે મધ્યપ્રદેશ ફરીથી ઠંડીથી ધ્રુજી ઉઠ્યું છે. ગ્વાલિયર, ચંબલ અને સાગર સંભાગમાં સૌથી વધુ અસર છે. આવું જ હવામાન આજે શનિવારે પણ રહેશે. સવારે 15થી વધુ જિલ્લાઓમાં ગાઢ ધુમ્મસ છવાયું હતું. જ્યારે, દતિયા, નિવાડી, ટીકમગઢ અને છતરપુરમાં કોલ્ડ ડે એટલે કે, દિવસ ઠંડો રહેવાનું એલર્ટ છે.
રાજસ્થાનના 13 જિલ્લાઓમાં ધુમ્મસ અને કોલ્ડવેવ, બધા શહેરોમાં લઘુત્તમ તાપમાન 10 ડિગ્રીથી નીચે
રાજસ્થાનના 13 જિલ્લામાં ધુમ્મસ છવાયેલું રહ્યું. શુક્રવારે રાજ્યમાં સૌથી વધુ ઠંડી જેસલમેર જિલ્લામાં રહી, જ્યાં લઘુત્તમ તાપમાન 5 ડિગ્રીથી નીચે નોંધાયું. જેસલમેર ઉપરાંત રાજ્યના અન્ય તમામ શહેરોમાં પણ લઘુત્તમ તાપમાન સિંગલ ડિજિટમાં રહ્યું.
યુપીમાં વરસાદ-કરાનો એલર્ટ, 30 જિલ્લામાં ભયંકર ધુમ્મસ; 50 ટ્રેનો મોડી
ઉત્તર પ્રદેશના 30 શહેરોમાં શનિવારે સવારે ધુમ્મસ છવાયું હતું. ધુમ્મસની અસર ટ્રેન અને ફ્લાઇટ્સ પર જોવા મળી રહી છે. ગોરખપુર, લખનઉ અને વારાણસી સહિતના અનેક સ્ટેશનો પર 50થી વધુ ટ્રેનો મોડી ચાલી રહી છે. કેટલીક તો 10-10 કલાક મોડી ચાલી રહી છે.
બિહારના 16 જિલ્લાનું લઘુત્તમ તાપમાન 7°Cથી નીચે, છપરામાં કોલ્ડવેવ
બિહારના 16 જિલ્લાનું લઘુત્તમ તાપમાન 7 ડિગ્રીથી નીચે પહોંચી ગયું છે. શનિવારે 32 જિલ્લામાં કોલ્ડ-ડે અને ગાઢ ધુમ્મસનું ઓરેન્જ એલર્ટ જાહેર કરવામાં આવ્યું છે. હવામાન વિભાગના જણાવ્યા અનુસાર આગામી 10 દિવસ સુધી આવું જ હવામાન રહેશે.
છત્તીસગઢના બલરામપુરમાં ઝાકળના ટીપાં બરફ બન્યા, રાયપુર-દુર્ગ સહિત 8 જિલ્લામાં કોલ્ડવેવ
છત્તીસગઢના બલરામપુરના રામાનુજગંજમાં પરાળ પર ઝાકળના ટીપાં જામીને બરફ બનવા લાગ્યા છે. અહીં રાત્રિનું તાપમાન 1 થી 2 ડિગ્રીની આસપાસ રહ્યું છે. સૌથી ઓછું લઘુત્તમ તાપમાન 3.5°C અંબિકાપુરમાં નોંધાયું હતું. જ્યારે આગામી બે દિવસ સુધી તેમાં કોઈ ફેરફાર થવાની અપેક્ષા નથી.
ઉત્તરાખંડમાં બે શહેરોનું તાપમાન -21°C, 3 જિલ્લામાં પાઇપલાઇન જામી ગઈ; 6 માં ધુમ્મસનું એલર્ટ
ઉત્તરાખંડના તમામ જિલ્લાઓમાં ઠંડા પવનો ફૂંકાવાનું એલર્ટ જાહેર કરવામાં આવ્યું છે. શનિવારે હરિદ્વાર, ઉધમ સિંહ નગર, નૈનીતાલ, ચંપાવત, પૌડી અને દેહરાદૂનના નીચાણવાળા વિસ્તારોમાં ધુમ્મસ છવાયેલું રહેશે. જ્યારે પહાડોમાં હિમવર્ષા થવાની સંભાવના વ્યક્ત કરવામાં આવી છે. ત્રણ દિવસથી આદિ કૈલાશ અને કેદારનાથનું તાપમાન -21°C નોંધાયું છે.
